Janubi-G‘arbiy Xitoydagi Yunnan provinsiyasida oliy darajadagi xalq sudi xatolik tufayli qotillikda ayblanib, 13 yildan ortiq vaqt davomida qamoqda saqlangan ayolga 1,72 million yuan (258,3 ming dollar) miqdorida tovon puli to‘lash haqida qaror chiqardi, deb yozadi “TASS”.
Syan Jenfen bolalar bog‘chasida ishlagan, u yerda go‘daklardan biri ovqatdan zaharlanib vafot etgan, yana ikki bola kasalxonaga yotqizilgan. Sud o‘sha kuni ovqat tayyorlagan ushbu ayol bosim ostida aybini tan olishga va taomga kalamush zahrini qo‘shganini aytishga majbur bo‘lganligini aniqladi.
Syan Jenfenga nisbatan hukm 2002-yil fevralida chiqarilgan edi. 2013-yil iyulida Yunnan provinsiyasi prokuraturasi uning ishini qaytadan ochib, ikki yillik tekshiruvdan so‘ng uning aybi isbotlanmagan, degan xulosaga keldi.
Izoh (0)