Xalq deputatlari Urgut tumani kengashining navbatdan tashqari sessiyasi bo‘lib o‘tdi. Sessiyada viloyat hokimi Z. Mirzayev ma’ruza qildi, deyiladi hukumat portalida joylashtirilgan xabarnomada.
Viloyat hokimi Urgut tumanining viloyat va respublika ijtimoiy-iqtisodiy hayotida muhim o‘rin tutishini ta’kidlab o‘tdi.
Sessiyada aholi bandligini ta’minlash, ta’lim va tibbiyot muassasalari faoliyatini takomillashtirish, xizmatlar ko‘rsatish sohalari ishini jonlantirish, xotin-qizlar va yoshlar manfaatlarini himoyalash, ular uchun munosib turmush va mehnat sharoitlari yaratish kabi masalalar tahlil qilindi.
Sessiyada, shuningdek, tashkiliy masala ko‘rildi. Himmat Qo‘chqorovich Oqbo‘tayev Samarqand viloyati hokimining birinchi o‘rinbosari etib tayinlanishi munosabati bilan tuman hokimi vazifasidan ozod etildi. Tuman prokurori vazifasida ishlab kelayotgan Mamatjon Turdiyev viloyat hokimi tavsiyasiga ko‘ra Urgut tumani hokimi etib tasdiqlandi.
Izoh (0)