Халқ депутатлари Ургут тумани кенгашининг навбатдан ташқари сессияси бўлиб ўтди. Сессияда вилоят ҳокими З. Мирзаев маъруза қилди, дейилади ҳукумат порталида жойлаштирилган хабарномада.
Вилоят ҳокими Ургут туманининг вилоят ва республика ижтимоий-иқтисодий ҳаётида муҳим ўрин тутишини таъкидлаб ўтди.
Сессияда аҳоли бандлигини таъминлаш, таълим ва тиббиёт муассасалари фаолиятини такомиллаштириш, хизматлар кўрсатиш соҳалари ишини жонлантириш, хотин-қизлар ва ёшлар манфаатларини ҳимоялаш, улар учун муносиб турмуш ва меҳнат шароитлари яратиш каби масалалар таҳлил қилинди.
Сессияда, шунингдек, ташкилий масала кўрилди. Ҳиммат Қўчқорович Оқбўтаев Самарқанд вилояти ҳокимининг биринчи ўринбосари этиб тайинланиши муносабати билан туман ҳокими вазифасидан озод этилди. Туман прокурори вазифасида ишлаб келаётган Маматжон Турдиев вилоят ҳокими тавсиясига кўра Ургут тумани ҳокими этиб тасдиқланди.
Изоҳ (0)