O‘zbekiston Respublikasi TIV qoshidagi Jahon iqtisodiyoti va diplomatiya universitetida 9-avgust kuni Yaponiyaning O‘zbekistondagi Favqulodda va muxtor elchisi Fumihiko Kato bilan uchrashuv bo‘lib o‘tdi. Bu haqda vazirlik matbuot xizmati ma’lum qildi.
Tadbirda universitet rektori Abdumalik Jumanov oliy o‘quv yurti ilmiy kengashining elchini o‘quv yurti faxriy doktori unvoni bilan taqdirlash to‘g‘risidagi qarorini o‘qib berdi va tantanali ravishda unga tegishli diplomni topshirdi.
Ilmiy kengash qaroriga ko‘ra, Fumihiko Katoning siyosiy, savdo-iqtisodiy, investitsion, madaniy-gumanitar sohalarda ikki mamlakat munosabatlarini izchil rivojlantirishga qo‘shgan shaxsiy xizmatlari shunday e’tirof etilgan.
Elchi faoliyatiga berilgan yuqori baho uchun samimiy minnatdorlik bildirdi.
Izoh (0)