Suriyadagi uchta aholi punkti o‘tgan kunlar davomida yarashuv jarayoniga qo‘shildi, deya xabar bermoqda “TASS” Dushman tomonlarni yarashtirish bo‘yicha Rossiya markazi byulleteniga tayanib.
“Yarashuv jarayoniga qo‘shilgan aholi punktlari soni 356 taga yetdi, — deyiladi hujjatda. — Damashq, Latakiya va Xama provinsiyalarida qurolli muxolifat otryadlari dala komandirlari bilan jangovar harakatlarni to‘xtatish rejimiga qo‘shilish haqidagi muzokaralar davom ettirildi. Jangovar harakatlar shartlarini qabul qilish va bajarishga roziligini bildirgan qurolli guruhlar soni o‘zgarishsiz qoldi — 69 ta”.
Hujjatda qayd etilishicha, jangovar harakatlarni to‘xtatish rejimiga o‘tgan sutkada Suriyaning ko‘pchilik provinsiyalarida rioya qilindi. Damashq va Latakiyada bir kecha-kunduzda sakkizta qonunbuzarlik kuzatildi. O‘zlarini “Jaysh al-Islom” guruhiga qo‘shadigan harbiy qism Damashqdagi qator aholi punktlarini, “Ahror ash-Shom” esa Latakiyadagi aholi punktini o‘qqa tutdi.
Izoh (0)