Суриядаги учта аҳоли пункти ўтган кунлар давомида ярашув жараёнига қўшилди, дея хабар бермоқда «ТАСС» Душман томонларни яраштириш бўйича Россия маркази бюллетенига таяниб.
«Ярашув жараёнига қўшилган аҳоли пунктлари сони 356 тага етди, — дейилади ҳужжатда. — Дамашқ, Латакия ва Хама провинцияларида қуролли мухолифат отрядлари дала командирлари билан жанговар ҳаракатларни тўхтатиш режимига қўшилиш ҳақидаги музокаралар давом эттирилди. Жанговар ҳаракатлар шартларини қабул қилиш ва бажаришга розилигини билдирган қуролли гуруҳлар сони ўзгаришсиз қолди — 69 та».
Ҳужжатда қайд этилишича, жанговар ҳаракатларни тўхтатиш режимига ўтган суткада Суриянинг кўпчилик провинцияларида риоя қилинди. Дамашқ ва Латакияда бир кеча-кундузда саккизта қонунбузарлик кузатилди. Ўзларини «Жайш ал-Ислом» гуруҳига қўшадиган ҳарбий қисм Дамашқдаги қатор аҳоли пунктларини, «Аҳрор аш-Шом» эса Латакиядаги аҳоли пунктини ўққа тутди.
Изоҳ (0)