Icahn Enterprises xoldingining asosiy egasi milliarder Karl Aykan Respublikachilar partiyasidan AQSh prezidentligiga nomzod Donald Trampning iqtisodiy maslahat kengashi tarkibiga kirishdan bosh tortdi. Bu haqda investorning bosh huquqiy maslahatchisi Jessi Linn ma’lum qildi, deya xabar beradi “RBK”.
“Janob Aykan Trampning iqtisodiy maslahat kengashiga kirish imkoniyatidan voz kechdi. Chunki ayni paytda shaxsiy lobbi tashkiloti tuzishga mablag‘ yo‘naltirish joiz yoki yo‘qligi borasida hali bir to‘xtamga kelmadik”, — deya ta’kidladi Linn.
Ma’lumot uchun, lobbi tashkilotlari siyosiy kampaniyalar, jumladan, hozirda AQShda bo‘lib o‘tayotgan saylovoldi poygasini moliyalashtirishda faol ishtirok etmoqda. O‘tgan yil yozidan beri ularning mazkur jarayonga qo‘shgan umumiy hissasi 176 million dollarni tashkil etdi.
Izoh (0)