Icahn Enterprises холдингининг асосий эгаси миллиардер Карл Айкан Республикачилар партиясидан АҚШ президентлигига номзод Дональд Трампнинг иқтисодий маслаҳат кенгаши таркибига киришдан бош тортди. Бу ҳақда инвесторнинг бош ҳуқуқий маслаҳатчиси Жесси Линн маълум қилди, дея хабар беради «РБК».
«Жаноб Айкан Трампнинг иқтисодий маслаҳат кенгашига кириш имкониятидан воз кечди. Чунки айни пайтда шахсий лобби ташкилоти тузишга маблағ йўналтириш жоиз ёки йўқлиги борасида ҳали бир тўхтамга келмадик», — дея таъкидлади Линн.
Маълумот учун, лобби ташкилотлари сиёсий кампаниялар, жумладан, ҳозирда АҚШда бўлиб ўтаётган сайловолди пойгасини молиялаштиришда фаол иштирок этмоқда. Ўтган йил ёзидан бери уларнинг мазкур жараёнга қўшган умумий ҳиссаси 176 миллион долларни ташкил этди.
Изоҳ (0)