21-iyul kuni “Jar” stadionida O‘zbekiston olimpiya va Iroq milliy terma jamoalari ishtirokidagi o‘rtoqlik o‘yini tashkil etildi. Unda Ravshan Haydarov ustozligidagi o‘zbekistonlik futbolchilar 2:1 hisobida muvaffaqiyat qozondi.
Bellashuvdagi har ikki gol Jaloliddin Masharipov hisobiga yozildi. U 30-daqiqada O‘zbekiston termasini hisobda oldinga olib chiqqan bo‘lsa, 47-daqiqada iroqliklar hisobni tenglashtirdi. 54-daqiqaga kelib esa Masharipov penaltini aniq amalga oshirib, dublini rasmiylashtirdi.
24-iyul kuni O‘zbekiston milliy terma jamoasi “Bunyodkor” stadionida Iroqqa qarshi saf tortadi. Bu safar jamoani maydonga Samvel Babayan boshlab tushadi.
“Championat.asia” sayti o‘yinni asosiy tarkibda boshlagan va zaxiradan qo‘shilgan futbolchilar borasida ma’lumot berdi.
21-iyul, payshanba O‘rtoqlik uchrashuvi
O‘zbekiston otj — Iroq mtj 2:1
Gollar: Jaloliddin Masharipov, 30 (1:0). Alaa Abdulzahran, 47 (1:1). Jaloliddin Masharipov, 54-pen (2:1).O‘zbekiston: Dilshod Hamroyev, Rustam Ashurmatov, Doston Tursunov, Akrom Komilov, Abbos Otaxonov, Xurshid G‘iyosov, Murod Rajabov, Jaloliddin Masharipov, Sardor Mirzayev, Zafar Polvonov, Doston Hamdamov.Zaxira: Botirali Ergashev, Zabihillo O‘rinboyev, Javohir Siddiqov, Doniyor Narzullayev, Mirjamol Qosimov, Nodir Yo‘ldoshev, Najmiddin Normurodov, Shahzod Abdurahimov, Timur Tolipov.
Iroq: Muhammad Rashid, Bayar Abubakir, Husan Xadim, Samal Said, Hussayin Vanam, Jassim Muhammad, Alaa Abdulzahran, Amjad Volid, Mazin Fa’yad, Miran Xasro, Abbos Qosim.Zaxira: Jalol Hassan, Xotam Dler, Ali Latif, Karrar Muhammad, Visam Malik, Ahmad Nadim, Muhammad Shavkan, Ali Abdulhassan, Hussayin Xalaf.
Izoh (0)