IShID terrorchilik tashkiloti Nitssadagi qonli hujum yuzasidan javobgarlikni o‘z bo‘yniga oldi. Bu haqda Fransiya OAVlaridagi tasdiqlanmagan ma’lumotlarga tayanib, Britaniyaning The Daily Mail gazetasi ma’lum qildi, deb yozadi “TASS”.
Ommaviy qurbonlarni keltirib chiqargan hujum 14-iyul, payshanba kuni kechki payt Nitssadagi Ingliz qirg‘og‘ida sodir bo‘ldi, u yerda o‘sha vaqtda Fransiya Milliy bayrami sharafiga otilgan mushaklarni tomosha qilayotgan minglab kishilar bo‘lgan. Ma’lumotlarga ko‘ra, olomon ichiga yuk mashinasi bor tezligi bilan bostirib kirgan, natijada 77 kishi halok bo‘lgan, yuzlab kishilar jarohat olgan.
The Daily Mail ma’lum qilishicha, yuk mashinasi haydovchisi “Ollohu akbar” deya xitob qilgan. Hodisa hozircha terakt sifatida baholangani yo‘q, tekshirish ishlari olib borilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)