AQSh Kongressi 2001-yil 11-sentabrdagi teraktlar bo‘yicha maxsus komissiya hisobotining avval chop etilmagan qismini e’lon qilishga hozirlik ko‘rmoqda. Bu haqda CNN ma’lumotlariga tayanib, “TASS” xabar berdi.
Telekompaniya manbalariga ko‘ra, uzoq vaqt mobaynida maxfiy bo‘lgan va Saudiya Arabistoni rahbariyatining 11-sentabrda samolyotlarni qo‘lga olgan shaxslar bilan ehtimoliy aloqadorligiga oid hujjatlar 15-iyul, juma kuni e’lon qilinishi mumkin. Bundan avval ularni AQSh Davlat departamenti va razvedka idoralari xodimlari ko‘rib chiqqan hamda “juz’iy tahrir” bilan chop etilishiga rozilik bildirgan.
Mazkur materiallar dunyo yuzini ko‘rishini Kongressning ayrim a’zolari qo‘llab-quvvatladi. Ularning chop etilish ehtimoli Vashingtonda qizg‘in bahslarga sabab bo‘ldi va AQSh hamda Saudiya Arabistoni munosabatlariga soya soldi. OAV hujjatlarda Saudiya rasmiylarining “Al-Qoida” terrorchilik tarmog‘i bilan aloqalari haqidagi ma’lumotlar o‘rin olgan bo‘lishi mumkinligini bildirmoqda.
Izoh (0)