Futbol bo‘yicha Portugaliya termasi kapitani Krishtianu Ronaldu o‘tgan yilda 88 million dollar ishlab topdi va ushbu ko‘rsatkich bo‘yicha dunyodagi boshqa mashhur shaxslar orasida to‘rtinchi o‘rinni egalladi, deb yozadi “TASS” Forbes jurnalining eng ko‘p daromad oluvchi mashhurlar reytingiga tayanib.
Birinchi o‘rinni o‘tgan yili 170 million dollar jamg‘argan amerikalik pop-qo‘shiqchi Teylor Svift, ikkinchi o‘rinni 110 million dollar bilan Britaniyaning One Direction guruhi, uchinchi o‘rinni esa 95 million dollar bilan yozuvchi Jeyms Patterson band etdi.
Portugaliyalik futbolchi ishlab topgan mablag‘ ichiga klub shartnoma bo‘yicha to‘lagan pul, shuningdek, reklama shartnomalari kiradi. Chunonchi, uning “Real”dagi maoshi va turli bonuslar 53 million dollarni, homiylik shartnomalari va reklamalardan tushgan daromad — 35 million dollarni tashkil qildi.
Shuningdek, yuqori o‘nlikka Argentina termasi va Ispaniyaning “Barselona” jamoasi kapitani Lionel Messi (81,5 million dollar) ham kirdi.
Izoh (0)