Bundan bir oy avval, 10-iyun kuni start olgan futbol bo‘yicha 2016-yilgi Yevropa chempionati bahslari nihoyasiga yetdi — 10-iyul oqshomida bo‘lib o‘tgan finalda Portugaliya termasi Fransiyani mag‘lub etib, o‘z tarixida ilk bor Yevropa chempioni bo‘ldi.
Shu bilan birga, “Daryo” internet-nashri Ucell savdo belgisi bilan hamkorlikda e’lon qilgan va bir oy davomida 10 mingga yaqin futbol muxlisini qamrab olgan “Yevro—2016” sovrinli aksiyasi yakunlarini sarhisob qilish vaqti ham keldi. Aksariyat ishtirokchilar @daryobot’da /reyting buyrug‘ini kiritish orqali aksiyada kuchli o‘nlikdan joy olganlar hamda o‘zi egallagan o‘rin haqida ma’lumot olishga ulgurgan bo‘lsa, ajabmas.
Yevro—2016 ning pley-off bosqichidan o‘rin olgan so‘nggi 15 uchrashuv bo‘yicha taxminlari uchun atigi 11 ball to‘plagan bo‘lsa-da, musobaqa guruh bosqichida naq 11 uchrashuvning natijasini 100 foiz to‘g‘ri topgani sabab, 998901xxx271 telefon raqami egasi 60 ball to‘pladi va “Yevro—2016” aksiyasi g‘olibi hamda Ucell savdo belgisi tomonidan taqdim etilgan Huawei P7 smartfoni sohibiga aylandi.
Sovrinli qo‘shma aksiyada 2-o‘rin 998905xxx975 telefon raqami egasiga nasib qildi. U Yevro—2016 davomida 12 ta uchrashuvning, xususan, Portugaliya va Fransiya terma jamoalari o‘rtasidagi final bahsining natijasini ham to‘g‘ri topdi va jami 57 ball to‘plab, Ucell savdo belgisi tomonidan taqdim etilgan Android One General Mobile smartfonini qo‘lga kiritadigan bo‘ldi.
Aksiya yakunlariga ko‘ra, 998911xxx142 va 998979xxx525 telefon raqami sohiblari bir xil — 55 balldan to‘plab, 3-o‘rin va Ucell savdo belgisi tomonidan taqdim etilgan Huawei Y360 smartfoni uchun bir xil imkoniyat hosil qildi. Amaldagi qoidalarga ko‘ra, bunday vaziyatda sovrindor www.random.org tasodifiy tanlov generatori yordamida aniqlanadi. Shu munosabat bilan, 12-iyul, seshanba kuni qo‘shma aksiyaning 3-o‘rin sohibini aniqlash maqsadida tasodifiy tanlov generatorida qur’a tashlanadi va kim sovrindor bo‘lgani haqida shu kuni qo‘shimcha axborot beriladi.
“Daryo” internet-nashri va Ucell savdo belgisi “Yevro—2016” aksiyasida ishtirok etgan barcha futbol muxlislariga minnatdorchilik bildiradi, g‘olib va sovrindorlarni aksiyadagi muvaffaqiyatli ishtirok bilan chin ko‘ngildan tabriklaydi.
Sovrin egasiga aylangan g‘oliblar keyingi 5 kun ichida info@simple.uz elektron pochta manzili orqali aksiya tashkilotchilariga xabar yo‘llab, bog‘lanishlari so‘raladi. Ma’lumot uchun, “Yevro—2016” qo‘shma aksiyasi shartlari va qoidalariga muvofiq, sovrinlar aksiya yakunlari e’lon qilinganidan keyingi 30 kun davomida taqdim etiladi, g‘oliblarga sovrinlarni topshirish joyi va vaqti haqida qo‘shimcha axborot beriladi.
Izoh (0)