Sport gimnastikasi bo‘yicha O‘zbekiston terma jamoasi yetakchisi Oksana Chusovitina Zika virusidan qo‘rqmaydi va Braziliyadagi Olimpiada o‘yinlariga borishga qat’iy bel bog‘lagan, deb yozadi “1news.uz”. 41 yoshli sportchi uchun bu yettinchi Olimpiadadir.
Olimlar fikriga ko‘ra, Zika virusi homiladorlarda bola rivojlanishidagi ko‘plab to‘sqinliklarni keltirib chiqarishi mumkin. Ushbu virus tufayli ko‘p sportchilar Braziliyadagi Olimpiada o‘yinlariga borishdan bosh tortmoqda.
“Men podium va medallar haqida gapirmoqchi emasman, hozir Olimpiadaga maksimal darajada tayyor va sog‘lom holda borish muhimdir. Zika virusi? Men Braziliyaga homilador bo‘lish uchun borayotganim yo‘q”, — deya Chusovitinaning so‘zlaridan iqtibos keltirdi Associated Press.
Izoh (0)