Футбол бўйича Португалия термаси капитани Криштиану Роналду ўтган йилда 88 миллион доллар ишлаб топди ва ушбу кўрсаткич бўйича дунёдаги бошқа машҳур шахслар орасида тўртинчи ўринни эгаллади, деб ёзади «ТАСС» Forbes журналининг энг кўп даромад олувчи машҳурлар рейтингига таяниб.
Биринчи ўринни ўтган йили 170 миллион доллар жамғарган америкалик поп-қўшиқчи Тейлор Свифт, иккинчи ўринни 110 миллион доллар билан Британиянинг One Direction гуруҳи, учинчи ўринни эса 95 миллион доллар билан ёзувчи Жеймс Паттерсон банд этди.
Португалиялик футболчи ишлаб топган маблағ ичига клуб шартнома бўйича тўлаган пул, шунингдек, реклама шартномалари киради. Чунончи, унинг «Реал»даги маоши ва турли бонуслар 53 миллион долларни, ҳомийлик шартномалари ва рекламалардан тушган даромад — 35 миллион долларни ташкил қилди.
Шунингдек, юқори ўнликка Аргентина термаси ва Испаниянинг «Барселона» жамоаси капитани Лионель Месси (81,5 миллион доллар) ҳам кирди.
Изоҳ (0)