Испания қироли Филипп VI АҚШ президенти Барак Обамага Мигель де Сервантеснинг «Ламанчлик уддабурон идальго Дон Кихот» романи версиясини совға қилди, дея хабар бермоқда «ТАСС» ABC газетасига таяниб.
Унинг маълумотларига кўра, испан монархи Оқ уй хўжайинига романнинг инглизча версиясини Обама учун махсус тайёрланган чарм муқовада тақдим этган. Бундан ташқари, Филипп VI АҚШ президентига Қироллик саройи фотосуратини ҳадя этди.
Оқ уй раҳбари 9 июль, шанба куни кечқурун Испанияга 15 йил ичидаги биринчи расмий ташриф билан келди, унинг доирасида у қирол Филипп VI, шунингдек, ҳукумат раиси вазифасини бажарувчи Мариано Рахой билан учрашади.
Изоҳ (0)