Click mobil to‘lovlar tizimida O‘zbekistondagi banklar tomonidan chiqarilgan plastik kartalar o‘rtasida pul o‘tkazish imkoniyati tug‘ildi. Bu haqda mazkur kompaniya press-relizida ma’lum qilindi, deya xabar beradi “Gazeta.uz”.
Mablag‘ni bir onlayn-karta hisobidan ikkinchisiga o‘tkazish mumkin, buning uchun oluvchi shaxs Click tizimida ro‘yxatdan o‘tishi shart emas. “Aloqabank” va “Agrobank” ushbu tizimga ulangan birinchi banklar bo‘ldi.
Pul o‘tkazish Click ro‘yxatidan o‘tgan oluvchining telefon raqamini ko‘rsatilganda ham amalga oshirilishi mumkin (aks holda tizimda ro‘yxatdan o‘tgach pullar olinadi). To‘lov quyidagicha USSD-ko‘rsatma orqali bajariladi: *880*karta_raqami*summa# (yoki *880*3*telefon raqami*summa#).
Yaqin orada bu imkoniyatdan mobil dastur orqali foydalanish ham mumkin bo‘ladi. Xizmat narxi jo‘natuvchining kartasidan o‘tkazilayotgan summaning 2 foizi miqdorida olib qolinadi. Kompaniya tomonidan kelgusida O‘zbekistondagi barcha emitent-banklarni qamrab olish ko‘zda tutilmoqda.
Izoh (0)