O‘zbekistonda 3-iyul, yakshanba kuni havo harorati avvalgi kunlarga nisbatan biroz salqinroq bo‘ladi. Bu haqda “O‘zgidromet” markazi xabar bermoqda.
Yakshanbaga o‘tar kechasi O‘zbekistonning tog‘li hududlarida +10...+15 daraja, Qoraqalpog‘iston Respublikasi va Xorazm viloyatida +17...+22 daraja, Toshkent, Samarqand, Jizzax, Sirdaryo viloyatlarida +18...+23 daraja, Toshkent shahrida +20...+22 daraja iliq bo‘ladi.
Buxoro, Navoiy, Qashqadaryo, Surxondaryo, Andijon, Namangan va Farg‘ona viloyatlarida 3-iyulga o‘tar kechasi havo harorati +20...+25 daraja iliq bo‘lishi kutilmoqda.
3-iyul kuni kunduzi tog‘li joylarda havo harorati +20...+25 daraja, Qoraqalpog‘iston Respublikasi va Xorazm viloyatida +31...+36 daraja, Farg‘ona vodiysi viloyatlarida +32...+37 daraja, Toshkent shahrida +36...+38, qolgan hududlarda +38...+39 darajagacha issiq bo‘ladi.
O‘zbekistonning tog‘li hududlarida 3-iyulga o‘tar kechasi va 3-iyul kuni kunduzi qisqa muddat yomg‘ir yog‘ishi, momaqaldiroq bo‘lishi, shamolning tezligi esa soniyasiga 15—20 metrgacha kuchayishi ehtimoli bor.
Izoh (0)