Click картадан картага пул ўтказиш хизматини ишга туширди

Click мобил тўловлар тизимида Ўзбекистондаги банклар томонидан чиқарилган пластик карталар ўртасида пул ўтказиш имконияти туғилди. Бу ҳақда мазкур компания пресс-релизида маълум қилинди, дея хабар беради «Газета.uz».

Маблағни бир онлайн-карта ҳисобидан иккинчисига ўтказиш мумкин, бунинг учун олувчи шахс Click тизимида рўйхатдан ўтиши шарт эмас. «Алоқабанк» ва «Агробанк» ушбу тизимга уланган биринчи банклар бўлди.

Пул ўтказиш Click рўйхатидан ўтган олувчининг телефон рақамини кўрсатилганда ҳам амалга оширилиши мумкин (акс ҳолда тизимда рўйхатдан ўтгач пуллар олинади). Тўлов қуйидагича USSD-кўрсатма орқали бажарилади: *880*карта_рақами*сумма# (ёки *880*3*телефон рақами*сумма#). 

Яқин орада бу имкониятдан мобил дастур орқали фойдаланиш ҳам мумкин бўлади. Хизмат нархи жўнатувчининг картасидан ўтказилаётган сумманинг 2 фоизи миқдорида олиб қолинади. Компания томонидан келгусида Ўзбекистондаги барча эмитент-банкларни қамраб олиш кўзда тутилмоқда.