O‘zbekistonning tog‘li hududlarida, shuningdek, Qoraqalpog‘iston Respublikasi va Xorazm viloyatida 4-iyul kuni yog‘ingarchilik kutiladi. Bu haqda “O‘zgidromet” markazi xabar berdi.
Xabar berishlaricha, 4-iyulga o‘tar kechasi O‘zbekistonning tog‘li hududlarida havo harorati +10...+15 daraja, Toshkent, Samarqand, Jizzax, Sirdaryo viloyatlarida +18...+23 daraja, Toshkent shahrida +20...+22 daraja, qolgan hududlarda +20...+25 daraja iliq bo‘ladi.
4-iyul kuni kunduzi tog‘li joylarda havo harorati +20...+25 daraja, Farg‘ona vodiysi viloyatlari va Toshkent shahrida +35 darajagacha, Qashqadaryo va Surxondaryo viloyatlarida +39 darajagacha, qolgan hududlarda +38 darajagacha issiq bo‘ladi.
Qoraqalpog‘iston Respublikasi va Xorazm viloyatida, shuningdek, O‘zbekistonning tog‘li hududlarida 4-iyulga o‘tar kechasi va 4-iyul kuni qisqa muddat yomg‘ir yog‘ishi, momaqaldiroq bo‘lishi mumkin. Qolgan joylarda yog‘ingarchilik kutilmaydi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)