Toshkentda 1-avgust kuni yangi — “Anhor-Lokomotiv” madaniyat va istirohat bog‘i foydalanishga topshirilishi kutilmoqda. Bu haqda My Day nashri xabar berdi.
Parkning asosiy o‘ziga xosliklaridan biri — unda O‘zbekistondagi eng yirik, umumiy maydoni 12 ming kvadrat metrga teng kartodrom faoliyat olib borishidir.
Bog‘ning yozgi maydonida film namoyishlari, bayram konsertlari va ko‘ngilochar tadbirlar uyushtiriladi.
Bog‘ hududida hajmi 1810 metr kvadratga teng sun’iy hovuz ham quriladi. Unda retro-avtomobil ko‘rinishidagi katamaran va elektr-qayiqlarda suzish mumkin bo‘ladi.
Parkda to‘rtta kinozal, 320 o‘ringa mo‘ljallangan restoran, bolalar maydonchasiga ega qahvaxona, ikkita fudkort, bepul avtoturargoh bo‘ladi.
TTZdagi “Lokomotiv” parkida bo‘lgani kabi, bu yerda ham O‘zbekistonning turli osori-atiqalarini kichik ko‘rinishda tomosha qilish imkoniyati taqdim etiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)