BMT bosh kotibi Pan Gi Mun Bangladesh poytaxti Dakkaga uyushtirilgan terrorchilik hujumini qoraladi va voqea qurbonlari oilalariga, shuningdek, mamlakat hukumati va xalqiga hamdardlik bildirdi, deb yozadi “TASS”.
Hujumdan so‘ng tarqatilgan yozma bayonotda u, Istanbul aeroportidagi teraktdan so‘ng bo‘lgani kabi, “terrorchilik oldini olish va unga qarshi kurash bo‘yicha mintaqaviy va xalqaro harakatlarni kuchaytirishga chaqirdi.
BMT bosh kotibi Dakkaga hujum ortida turganlar aniqlanib, javobgarlikka tortilishiga umid bildirdi, shuningdek, Bangladesh hukumatini BMT har qanday turdagi zo‘ravonlik ekstremizmi oldini olish bo‘yicha harakatlarda yordam berishga tayyorligini ma’lum qildi.
Eslatib o‘tamiz, avvalroq IShID terrorchi tashkiloti Bangladesh poytaxti Dakkada uyushtirilgan hujum uchun javobgarlikni o‘z zimmasiga olgan hamda akt chog‘ida 20 kishi o‘ldirilganini ma’lum qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)