БМТ бош котиби Пан Ги Мун Бангладеш пойтахти Даккага уюштирилган террорчилик ҳужумини қоралади ва воқеа қурбонлари оилаларига, шунингдек, мамлакат ҳукумати ва халқига ҳамдардлик билдирди, деб ёзади «ТАСС».
Ҳужумдан сўнг тарқатилган ёзма баёнотда у, Истанбул аэропортидаги терактдан сўнг бўлгани каби, «террорчилик олдини олиш ва унга қарши кураш бўйича минтақавий ва халқаро ҳаракатларни кучайтиришга чақирди.
БМТ бош котиби Даккага ҳужум ортида турганлар аниқланиб, жавобгарликка тортилишига умид билдирди, шунингдек, Бангладеш ҳукуматини БМТ ҳар қандай турдаги зўравонлик экстремизми олдини олиш бўйича ҳаракатларда ёрдам беришга тайёрлигини маълум қилди.
Эслатиб ўтамиз, аввалроқ ИШИД террорчи ташкилоти Бангладеш пойтахти Даккада уюштирилган ҳужум учун жавобгарликни ўз зиммасига олган ҳамда акт чоғида 20 киши ўлдирилганини маълум қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)