O‘zbekiston banklari 1-iyuldan konversion kartalardan foydalanishga cheklov joriy etdi. Mazkur ma’lumotni bir qancha banklar vakillari tasdiqladi, deya xabar beradi “Gazeta.uz”.
Bankomatlarda konversion kartalardan naqd pul yechib olishda oyiga 300 AQSh dollari hajmida me’yor belgilandi (avvallari kunlik me’yor 100 dollar edi). Bundan tashqari, uchta mamlakat — Turkiya, Xitoy va BAAda konversion kartalar ulgurji va chakana savdo muassasalari terminallarida to‘lov uchun qabul qilinmaydi. Bir vaqtning o‘zida, avval bo‘lgani kabi, mehmonxonada yashash, ovqatlanish, davolanish va ta’lim olish uchun to‘lovlarni amalga oshirish mumkin.
Mazkur o‘zgarish to‘g‘risida KDB Bank Uzbekistan o‘z saytida rasman xabar qildi. Xabarda qayd etilishicha, bu kabi choralar yuqorida sanab o‘tilgan mamlakatlarda konversion kartalardan belgilanmagan tartibda foydalanish holatlari uchrayotgani sababli joriy etildi.
Jismoniy shaxslar rasmiy kurs bo‘yicha xorijiy valyuta sotib olishi mumkin bo‘lgan konversion kartalar 2013-yil 1-fevraldan joriy etilgan bo‘lib, ulardan faqat chet elda foydalanish mumkin. O‘sha yili banklarga aholiga naqd pulda chet el valyutasini sotish ham taqiqlandi.
Izoh (0)