Qashqadaryodagi bunyodkorlik ishlari: Qarshi kuranti, Amir Temur ko‘prigi, daryo sohilidagi xiyobon (foto)

O‘zbekiston Prezidenti Islom Karimov 30-iyun kuni kunning ikkinchi yarmida Qashqadaryo viloyatida bo‘ldi. Tashrif davomida Prezident Qarshi shahridagi yangi qurilgan va ta’mirdan chiqarilgan bir qator obyektlar bilan tanishdi.

Prezident Qarshi shahrining Mustaqillik va O‘zbekiston ko‘chalari chorrahasida bunyod etilgan qariyb 30 metrlik kurantni ko‘zdan kechirdi, zamonaviy talablar asosida rekonstruksiya qilingan Amir Temur tarixiy ko‘prigi va daryo atrofida dam olish maskaniga aylantirilgan xiyobon bilan tanishdi.

• Foto: Termizda yangi barpo etilgan Xotira maydoni

Bundan tashqari, Islom Karimov kapital ta’mirdan chiqarilgan Qarshi temiryo‘l vokzali, Mustaqillik ko‘chasidagi xiyobon, “Nasaf” markaziy stadionini ham borib ko‘rdi, aholiga qo‘shimcha qulaylik va sharoitlar yaratish bo‘yicha tegishli ko‘rsatmalar va zarur tavsiyalar berdi.

Qarshi kuranti

Amir Temur ko‘prigi

Qashqadaryo bo‘yidagi xiyobon

• Foto: Qashqadaryoning Qarshi shahridan o‘tgan qismiga ikkita zamonaviy kater tushirildi

• Qarshida Amir Temur ko‘prigi qayta rekonstruksiya qilinib, foydalanishga topshirildi (foto)

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.