O‘zbekistonda internet milliy segmenti manzilli joylashuvining yagona reyestri tuziladi. O‘zbekiston Respublikasi axborot texnologiyalari va kommunikatsiyalarini rivojlantirish vazirligining tegishli buyrug‘i loyihasi muhokama uchun joylashtirildi, deb xabar beradi “Gazeta.uz”.
Hujjatga ko‘ra, hisob-kitob va monitoringni olib borish hamda yagona reyestr joriy etilishi milliy internet-segment manzilli joylashuvidan samarali foydalanish, telekommunikatsion infrastrukturani mukammalashtirish va rivojlantirish, telekommunikatsiyalar xizmati sifatini oshirishga qaratilgan.
Buyruq loyihasidan kelib chiqiladigan bo‘lsa, manzilli joylashuv (IP-manzillar diapazoni) mintaqaviy internet-ro‘yxatga oluvchi talablariga binoan rasmiylashtirish jarayonidan o‘tib, mazkur manzil mamlakatdagi yuridik shaxslarga biriktirilganidan so‘ng milliy hisoblanadi. Vazirlik qoshidagi axborot xavfsizligini ta’minlash markazi esa bunga mas’ul organ etib belgilangan.
Izoh (0)