Ўзбекистонда интернет миллий сегменти манзилли жойлашувининг ягона реестри тузилади. Ўзбекистон Республикаси ахборот технологиялари ва коммуникацияларини ривожлантириш вазирлигининг тегишли буйруғи лойиҳаси муҳокама учун жойлаштирилди, деб хабар беради «Газета.uz».
Ҳужжатга кўра, ҳисоб-китоб ва мониторингни олиб бориш ҳамда ягона реестр жорий этилиши миллий интернет-сегмент манзилли жойлашувидан самарали фойдаланиш, телекоммуникацион инфраструктурани мукаммалаштириш ва ривожлантириш, телекоммуникациялар хизмати сифатини оширишга қаратилган.
Буйруқ лойиҳасидан келиб чиқиладиган бўлса, манзилли жойлашув (IP-манзиллар диапазони) минтақавий интернет-рўйхатга олувчи талабларига биноан расмийлаштириш жараёнидан ўтиб, мазкур манзил мамлакатдаги юридик шахсларга бириктирилганидан сўнг миллий ҳисобланади. Вазирлик қошидаги ахборот хавфсизлигини таъминлаш маркази эса бунга масъул орган этиб белгиланган.
Изоҳ (0)