ZTE kompaniyasi tezkor xotirasi 6 Gb bo‘lgan va displeyi chetlarida romlari ko‘rinmaydigan Nubia Z11 smartfonini taqdim etdi, deb yozadi “Hi-tech.mail.ru”. Telefon flagman xususiyatlariga ega bo‘ldi, mashhur futbolchi Krishtianu Ronaldu esa uning “yuzi”ga aylandi.
Telefon displeyi atrofidagi rom minimal hajmda bo‘lib, shuningdek, u USB Type-C zamonaviy porti va barmoq izi skaneri bilan jihozlangan.
Nubia Z11 5,5 dyuymli va 1920×1080 pikselli displey, to‘rt yadroli Snapdragon 820 protsessori, 4/6 Gb tezkor va 64/128 Gb ichki xotira (200 gigabaytgacha microSD), 3000 mA/soat sig‘imli akkumulyator, 16 megapikselli asosiy va 8 megapikselli old kameraga ega.
Smartfon uch xil — tillarang, kulrang va kumushrangda chiqariladi. Shuningdek, kompaniya Nubia Z11’ning orqa paneliga Ronalduning dastxati tushirilgan Cristiano Ronaldo Collector’s Edition cheklangan partiyasini chiqaradi.
Smartfon 2016-yil 6-iyuldan savdoga chiqadi. 4/64 Gb versiyasi taxminan 1 150 000 so‘m, 6/128 Gb versiyasi esa 1 600 000 so‘mdan sotilishi kutilmoqda.
Izoh (0)