Buyuk Britaniyada mamlakatning Yevropa Ittifoqi tarkibidan chiqishini aniq qilib qo‘ygan referendum natijalarini qayta ko‘rib chiqish haqida petitsiya tuzildi. Bu haqda, The Independent nashriga asoslanib, “Gazeta.ru” xabar bermoqda.
“Biz, quyida imzo chekkanlar, hukumatni saylovchilarning 75 foizidan kamroq qismi ishtirok etgan taqdirda har ikki tomon ham 60 foizdan kam ovoz to‘plasa, referendum qayta o‘tkazilishi lozimligini belgilovchi qoidani qo‘llashga chaqiramiz”, — deyiladi hujjatda.
Petitsiyani allaqachon 100 ming kishi imzolagani aytilmoqda. Bu son daqiqa sayin oshib bormoqda.
Shu bilan birga, nashr petitsiyada ilgari surilgan talab qondirilishiga shubha bilan qaramoqda.
Buyuk Britaniyaning YeI tarkibidan chiqishi borasidagi referendum 23-iyun kuni bo‘lib o‘tdi. Unda Brexit tarafdorlari minimal ustunlik bilan g‘alaba qozondi: saylovchilarning 51,9 foizi YeIdan chiqishni yoqlab ovoz berdi, 48,1 foizi bunga qarshi chiqdi.
Ayni paytda, Shimoliy Irlandiya va Shotlandiya fuqarolarining ko‘pchiligi YeI tarkibida qolish niyatini bildirdi.
Mavzuga oid:
- Buyuk Britaniya aholisi Yevroittifoqdan chiqishni yoqlab ovoz berdi
- Buyuk Britaniya bosh vaziri Devid Kemeron iste’foga chiqadi
- Toni Bler Britaniyaning YeIdan chiqishi favqulodda oqibatlarga olib kelishini aytdi
- Ispaniya tashqi ishlar vaziri Brexit’dan so‘ng Gibraltarni birgalikda boshqarishni taklif qildi
- Xitoy tomonlarni Brexit’ga vazmin munosabatda bo‘lishga chaqirdi
- Angela Merkel Buyuk Britaniyadagi referendum natijalariga izoh berdi
- Brexit’dan so‘ng Shotlandiyada ham yangi referendum o‘tkazilishi mumkin
- Fransua Olland Brexit’dan so‘ng Yevrozonani mustahkamlash lozimligini aytdi
- Bryussel Britaniyani “imkon qadar tezroq” YeI tarkibidan chiqishga chorladi
- Fotogalereya: Buyuk Britaniya Brexit’ga ovoz berdi
Izoh (0)