Janubiy Xitoy dengizida 14-iyun, seshanba kuni halokatga uchragan Vyetnam harbiy-havo kuchlarining Su-30 qiruvchi samolyoti uchuvchisini hamda qirg‘oq soqchiligining uni izlab uchib ketgan S-212 samolyotini qidirish operatsiyasi ishtirokchilari dengizdan samolyot bo‘laklarini topdi, u S-212 ga tegishli bo‘lishi mumkin, deb yozadi “RIA Novosti”.
Bortida uch nafar ekipaj a’zosi va olti qutqaruvchi bo‘lgan turbovintli va ikki motorli S-212 samolyoti Vyetnam harbiy-havo kuchlari podpolkovnigi Tran Kuang Kxayni qidirish uchun uchib ketgan edi. Ular signal kelayotgan kvadratni ko‘zlab uchgan, ammo parvoz chog‘ida signal yo‘qolgan, shundan so‘ng samolyot ham qirg‘oq soqchiligi radarlarida ko‘rinmay qolgan.
Eslatib o‘tamiz, Su-30 samolyoti bilan aloqa 14-iyun kuni Toshkent vaqti bilan 05:30 da mashq parvozi chog‘ida yo‘qolgan, u kuchli shamol sharoitida Janubiy Xitoy dengizi osmonida bo‘lib o‘tayotgan edi. Uchuvchilardan biri, Nguyen Xiu Kong qulayotgan samolyotdan katapulta qilib, omon qoldi. Su-30 ning yana bir uchuvchisi, podpolkovnik Tran Kuang Kxayni qidirish ishlari davom etmoqda. Qutqaruv operatsiyasida 50 dan ortiq kema qatnashmoqda.
Izoh (0)