Жанубий Хитой денгизида 14 июнь, сешанба куни ҳалокатга учраган Вьетнам ҳарбий-ҳаво кучларининг Су-30 қирувчи самолёти учувчисини ҳамда қирғоқ соқчилигининг уни излаб учиб кетган С-212 самолётини қидириш операцияси иштирокчилари денгиздан самолёт бўлакларини топди, у С-212 га тегишли бўлиши мумкин, деб ёзади «РИА Новости».
Бортида уч нафар экипаж аъзоси ва олти қутқарувчи бўлган турбовинтли ва икки моторли С-212 самолёти Вьетнам ҳарбий-ҳаво кучлари подполковниги Тран Куанг Кхайни қидириш учун учиб кетган эди. Улар сигнал келаётган квадратни кўзлаб учган, аммо парвоз чоғида сигнал йўқолган, шундан сўнг самолёт ҳам қирғоқ соқчилиги радарларида кўринмай қолган.
Эслатиб ўтамиз, Су-30 самолёти билан алоқа 14 июнь куни Тошкент вақти билан 05:30 да машқ парвози чоғида йўқолган, у кучли шамол шароитида Жанубий Хитой денгизи осмонида бўлиб ўтаётган эди. Учувчилардан бири, Нгуен Хиу Конг қулаётган самолётдан катапульта қилиб, омон қолди. Су-30 нинг яна бир учувчиси, подполковник Тран Куанг Кхайни қидириш ишлари давом этмоқда. Қутқарув операциясида 50 дан ортиқ кема қатнашмоқда.
Изоҳ (0)