Rossiyaning Perm o‘lkasi sudi otasining mozorini topolmay jahl ustida 20 dan ortiq qabrga shikast yetkazgan mahalliy fuqaroni jarimaga tortdi. Bu haqda “RIA Novosti” xabar bermoqda.
Hodisa o‘tgan yil yozida Vereshchagino shahri qabristonida sodir bo‘ldi. 24 yoshli yigit otasining qabrini ziyorat etmoqchi bo‘ldi, biroq uni topolmadi. Shundan so‘ng darg‘azab bo‘lib, yon-atrofdagi qabrlarni payhon qila boshladi.
“U gulchambarlarni uzib otgan, xochlarni va yodgorliklarni sindirgan, yo‘lida uchragan qabrlarni tahqirlagan. Bezorilik oqibatida 22 ta qabr shikastlangan. Bezoriga nisbatan jinoiy ish ochildi va 25 ming rubl jarimaga tortildi”, — deya ma’lum qildi IIV mintaqaviy boshqarmasi matbuot xizmati vakili.
Izoh (0)