Thomson Airways aviakompaniyasi samolyoti Londonning Gatvik aeroportida yashin tegishi sababli favqulodda qo‘nishni amalga oshirdi. Bu haqda “RIA Novosti” xabar bermoqda.
Boeing 737-800 samolyotining Manchesterdan Agadir (Marokash)ga yo‘l olgan reysi 16-iyun, payshanba kuni kechki payt uchganidan bir soat o‘tib parvozni to‘xtatishga majbur bo‘ldi. 189 nafar yo‘lovchi bo‘lgan havo kemasi Gatvikka qo‘ndi va oradan ikki soat o‘tgach, parvozni davom ettirdi.
Aviakompaniya Manchesterdan uchgan reys bilan bog‘liq holatni tasdiqladi va bunday hodisalar kamdan-kam ro‘y berishini ma’lum qildi.
Izoh (0)