Dog‘istonning Derbent tumanidagi maxsus operatsiya chog‘ida “janubiy” deb ataluvchi jinoiy guruh boshlig‘i deb gumon qilinayotgan jangari o‘ldirildi, deb yozadi “RIA Novosti” respublika huquq-tartibot organlaridagi manbasiga tayanib.
“Harbiylar tumanni tundayoq qurshab olgan edi. Ertalabdan jangovar harakatlar chog‘ida jangari yo‘q qilindi. Dastlabki ma’lumotlarga ko‘ra, u ‘janubiy’ deb ataluvchi bosqinchilar guruhining Abu Yasir laqabli boshlig‘i Gasan Abdulayev”, — dedi agentlik suhbatdoshi.
Derbent tumanidagi Yo‘l harakati xavfsizligi davlat inspeksiyasining Jemikent postida 15-fevral kuni ertalab politsiyachilar shubhali avtomobilni tekshirayotgan vaqtida portlash yuz bergan, natijada ikki avtoinspektor halok bo‘lib, 18 kishi yaralangan edi.
Dog‘istonning Derbent tumanida kontrterrorchilik operatsiyasi rejimi joriy yilning fevral oyidan buyon amal qiladi.
Izoh (0)