Hindistonda sud Ahmadobod shahridagi musulmonlar yashovchi tumanda 2002-yilda sodir bo‘lgan xunrezlik haqidagi ish bo‘yicha o‘n bir kishini umrbod qamoq jazosiga mahkum etdi, deb yozadi “RIA Novosti” mahalliy OAVlarga tayanib.
Gulbarg mahallasida yuz bergan qirg‘in Gujarat shtatidagi dinlararo tartibsizliklarning bir qismiga aylandi. Darg‘azab hinduiylar to‘dasi Ahmadobodning musulmonlar tumaniga hujum qildi. 69 kishi, jumladan parlamentning sobiq deputati qurbon bo‘ldi.
Ish bo‘yicha jami 60 kishi sudlandi. Iyun boshida sud ulardan o‘n bir nafarini qotillikda aybdor deb topgan edi. Ularning barchasi bir umrga qamaldi. Yana o‘n uch kishi boshqa moddalar bo‘yicha aybdor deb topildi — ularga yetti yildan o‘n yilgacha qamoq jazosi berildi.
Izoh (0)