Rossiya harbiy akademiyasida amalga oshirilgan yuzni ko‘chirib o‘tkazish operatsiyasi tibbiy mukofotga loyiq ko‘rildi

Rossiya harbiy-dengiz akademiyasida 2015-yili amalga oshirilgan yuzni ko‘chirib o‘tkazish bo‘yicha operatsiya “E’tirof” tibbiy mukofotiga loyiq ko‘rildi. Bu haqda Rossiya mudofaa vazirligi matbuot xizmati ma’lum qildi, deya xabar beradi “Interfaks”.

“Harbiy shifokorlar va ularning fuqaroviy hamkasblari og‘ir elektr jarohatidan jabrlangan 19 yoshli bemorga yuz to‘qimalarini ko‘chirib o‘tkazish bo‘yicha operatsiya uchun taqdirlandi. Mazkur operatsiya nafaqat mahalliy, balki dunyo tibbiy amaliyotida ham noyob hisoblanadi. Uning o‘tkazilishini murakkab bo‘lgan tomoni shundaki, tibbiy tajriba mavjud emasligidan tashqari amaldagi qonunchilikka o‘zgarish kiritish zarurati ham tug‘ildi. Shuningdek, donorlik yuzini topish va uni harbiy-dengiz akademiyasiga yetkazishda ayrim muammolar yuzaga keldi. Operatsiyaning o‘zi bir sutkadan oshiq davom etdi”, — deya ta’kidlangan matbuot xizmati xabarida.

Hozirda ushbu operatsiyani boshidan o‘tkazgan yigit akademiyada tiklanish kursini o‘tamoqda va oliy o‘quv yurtiga kirishga tayyorgarlik ko‘rmoqda.