Ҳиндистонда суд Аҳмадобод шаҳридаги мусулмонлар яшовчи туманда 2002 йилда содир бўлган хунрезлик ҳақидаги иш бўйича ўн бир кишини умрбод қамоқ жазосига маҳкум этди, деб ёзади «РИА Новости» маҳаллий ОАВларга таяниб.
Гулбарг маҳалласида юз берган қирғин Гужарат штатидаги динлараро тартибсизликларнинг бир қисмига айланди. Дарғазаб ҳиндуийлар тўдаси Аҳмадободнинг мусулмонлар туманига ҳужум қилди. 69 киши, жумладан парламентнинг собиқ депутати қурбон бўлди.
Иш бўйича жами 60 киши судланди. Июнь бошида суд улардан ўн бир нафарини қотилликда айбдор деб топган эди. Уларнинг барчаси бир умрга қамалди. Яна ўн уч киши бошқа моддалар бўйича айбдор деб топилди — уларга етти йилдан ўн йилгача қамоқ жазоси берилди.
Изоҳ (0)