Pablo Reyes ismli Facebook foydalanuvchisi 2015-yil dekabrida ijtimoiy tarmoqqa joylagan postida Prins va Donald Trampning o‘limini, shuningdek, Hillari Klintonning prezidentlik saylovidagi g‘alabasini bashorat qilganini aytib, o‘zini payg‘ambar deb ko‘rsatdi. Reyesning noodatiy hazili haqida The Independent xabar berdi.
Gap shundaki, u Facebook‘da postga sana qo‘yish imkoniyatidan foydalanib, 2016-yilda qo‘shiqchi Prins, boks afsonasi Muhammad Ali, aralash yakka kurashchi Kimbo Slays va AQSh prezidentligiga da’vogar Donald Tramp vafot etishi haqida yozgan yangi postini go‘yoki 2015-yil 27-dekabrda yozganini da’vo qildi. Unda Hillari Klinton prezident bo‘lishi, shuningdek, AQShda odamlar yalpi ravishda otib tashlanishi haqida ham qayd etilgan edi.
Post bir necha o‘n minglab izoh yig‘di va 200 mingdan ortiq marta repost qilindi. Ko‘pchilik Reyesni payg‘ambar deb hisobladi va uning bashorati tafsilotlari bilan qiziqdi.
Oxir-oqibat Pablo postni hazil sifatida yozganini tan olishga majbur bo‘ldi, biroq odamlardan internetdagi ma’lumotlarga diqqatliroq munosabatda bo‘lishni so‘radi. “Odamlar nimani eshitayotgani va o‘qiyotganini tushunishi kerak”, — deya xulosa yasadi u.
Izoh (0)