Rossiya prezidenti Vladimir Putin Yevropa ittifoqi uchun “yangi messej”ni taqdim etadi, uning mohiyati: “Kelinglar, Ukraina haqida unutamiz va ishbilarmonlik aloqalariga qaytamiz”, — degan jumladan iborat bo‘ladi. Bu haqda Bloomberg agentligi uchta anonim manbasiga tayanib xabar berdi, deb yozadi “Gazeta.ru”.
Putin Peterburg xalqaro iqtisodiy forumini Yevropa yetakchilarini Rossiya bilan munosabatlarni normallashtirishga chaqirish uchun maydoncha sifatida qo‘llamoqda.
Shunga qaramay, forumda Putin Ukrainadagi nizolarni hal qilishga yordamlashish uchun G‘arbga qandaydir yo‘l bilan yon berishi haqida hech narsa demoqchi emas. Rossiya prezidenti o‘z nutqini mamlakatning iqtisodiy istiqbollariga qaratib, xorijiy investorlarni u yerdagi qulay biznes iqlim va iqtisodiy barqarorlikning qaytishiga ishontirmoqchi.
Rossiya prezidenti matbuot kotibi Dmitriy Peskov agentlikning G‘arb bilan aloqalarning normallashuvi haqidagi savoliga javoban, Putin bunday qarorlarga doim tayyor bo‘lganini aytdi.
“Bu uning (Putinning) doimiy messeji. Ammo uning da’vatlari G‘arb yetakchilari tomonidan eshitilmay qolyapti”, — dedi Peskov.
Izoh (0)