Пабло Рейес исмли Facebook фойдаланувчиси 2015 йил декабрида ижтимоий тармоққа жойлаган постида Принс ва Дональд Трампнинг ўлимини, шунингдек, Ҳиллари Клинтоннинг президентлик сайловидаги ғалабасини башорат қилганини айтиб, ўзини пайғамбар деб кўрсатди. Рейеснинг ноодатий ҳазили ҳақида The Independent хабар берди.
Гап шундаки, у Facebook‘да постга сана қўйиш имкониятидан фойдаланиб, 2016 йилда қўшиқчи Принс, бокс афсонаси Муҳаммад Али, аралаш якка курашчи Кимбо Слайс ва АҚШ президентлигига даъвогар Дональд Трамп вафот этиши ҳақида ёзган янги постини гўёки 2015 йил 27 декабрда ёзганини даъво қилди. Унда Ҳиллари Клинтон президент бўлиши, шунингдек, АҚШда одамлар ялпи равишда отиб ташланиши ҳақида ҳам қайд этилган эди.
Пост бир неча ўн минглаб изоҳ йиғди ва 200 мингдан ортиқ марта репост қилинди. Кўпчилик Рейесни пайғамбар деб ҳисоблади ва унинг башорати тафсилотлари билан қизиқди.
Охир-оқибат Пабло постни ҳазил сифатида ёзганини тан олишга мажбур бўлди, бироқ одамлардан интернетдаги маълумотларга диққатлироқ муносабатда бўлишни сўради. «Одамлар нимани эшитаётгани ва ўқиётганини тушуниши керак», — дея хулоса ясади у.
Изоҳ (0)