AQSh hukumati Eron yadro dasturi bo‘yicha kelishuvga muvofiq Eron oldidagi barcha majburiyatlarini bajardi, biroq moliya institutlari Islom Respublikasi bilan hamkorlikni qayta tiklashni ortga surmasligi uchun ularga qo‘shimcha ta’sir o‘tkazishi mumkin. Bu haqda AQSh davlat kotibi Jon Kerri Norvegiya hukumati rahbari Erna Sulberg bilan birgalikdagi matbuot anjumanidan so‘ng ma’lum qildi, deb yozadi “TASS”.
Avvalroq u Eron tashqi ishlar vaziri Muhammad Javad Zarif bilan uchrashuv o‘tkazib, o‘tgan yilning iyulida erishilgan bitim bajarilishining borishini muhokama qilgan edi.
“Biz Erondan, va’da qilganimizdek, sanksiyalarni olib tashladik, va nafaqat hujjatdagi har bitta harfgacha rioya qildik, balki uning mohiyatini ham inobatga oldik”, — dedi Kerri, u bundan ham nari borib, hozircha Eron bilan ishbilarmonlik aloqalarini o‘rnatishga shoshmayotgan bank va korxonalarga shaxsan o‘zi murojaat etganini qo‘shimcha qilarkan.
Izoh (0)