Amerika Qo‘shma Shtatlarida futbol bo‘yicha Amerika Kubogi–2016 musobaqasi start oldi. Turnirning ochilish o‘yinida AQSh terma jamoasi Kolumbiyaga qarshi bahs olib bordi va 0:2 hisobida imkoniyatni boy berdi. Bu haqda “Sports.ru” xabar bermoqda.
Uchrashuvning 8-daqiqasida Sapata burchakdan uzatilgan to‘pga aniq zarba berib hisobni ochgan bo‘lsa, 42-daqiqada Xames Rodriges penaltidan unumli foydalandi va jamoasining 2:0 hisobidagi g‘alabasiga o‘z hissasini qo‘shdi.
“Sports.ru”ning xabar qilishicha, Kolumbiya terma jamoasi sardori, “Real” yarim himoyachisi Xames Rodriges ikkinchi bo‘limda raqib futbolchisi Maykl Bredli bilan to‘qnashib, yelkasidan jarohat oldi. Shifokorlar yordamidan so‘ng futbolchi maydonga qayta oldi, ammo, 73-daqiqada zaxiraga olindi.
“A” guruhining ikkinchi o‘yinida Kosta-Rika va Paragvay termalari o‘zaro bahs olib boradi.
Amerika Kubogi–2016“A” guruhi, 1-tur
AQSh – Kolumbiya 0:2 (0:2)
Gollar: 0:1 – 8 Sapata, 0:2 – 42, penalti Xames.AQSh – Gyuzan, Yedlin, Kemeron, Bruks, Jonson, Bedoyya (Zusi, 86), Bredli, Jons (Nagbe, 66), Zardes, Dempsi, Vud (Pulishich, 66).
Kolumbiya – Ospina, Aryas, Sapata, Murilo, Dias, Peres (Sanches, 86), Torres, Kuadrado, Xames (Selis, 73), Kardona, Bakka (Moreno, 88).
Ogohlantirish: Bedoyya (57).
Izoh (0)