Ispaniyalik Moto2 poygachisi Luis Salom Kataloniya Gran-pri musobaqalari chog‘ida halok bo‘ldi. Bu haqda MotoGP tashkilotchilari ma’lum qildi, deya xabar beradi “RBK”.
Malyorkada tug‘ilib o‘sgan 24 yoshli Salom birinchi burilishda yiqilib tushdi. Shundan so‘ng kasalxonaga yetkazildi va operatsiya qilindi, biroq uning hayotini saqlab qolishning imkoni bo‘lmadi.
Sportchi 2009-yili Ispaniya Gran-prisida, shosse-halqali poygalar bo‘yicha jahon chempionatida debyut qilgan, 2012-yili esa Indianapolisda karyerasidagi ilk g‘alabaga erishgandi. 2013-yilda Red Bull jamoasiga qo‘shildi va ochilishning sakkiz poygasidan yarmida yutib, yakuniy hisobda chempionatda uchinchi o‘rinni egalladi. O‘sha mavsum uning faoliyatidagi eng omadlisi bo‘lib qoldi.
Salom shu yili SAG jamoasiga o‘tib, Qatardagi poygalarning birinchi bosqichida ikkinchi o‘rinni egallagandi.
Izoh (0)