Rossiya prezidenti Vladimir Putin Xalqaro futbol federatsiyasi (FIFA) rahbari Janni Infantino bilan 2018-yili Rossiyada bo‘lib o‘tadigan futbol bo‘yicha jahon chempionati volontyorlik kampaniyasiga start berdi. Bu haqda “TASS” ma’lum qildi.
Volontyorlik dasturi doirasida 2017-yili Konfederatsiya Kubogida 5 mingdan ziyod, 2018-yilgi chempionatga esa 15 ming kishini safarbar etish mo‘ljallanmoqda. Yana 20 mingga yaqin faol JCh—2018 o‘tadigan shaharlardagi volontyorlik dasturlarida ishtirok etadi.
Tashkilotchilarga ko‘ra, mazkur kampaniya Rossiya volontyorlik harakati tarixidagi eng keng ko‘lamlisi bo‘lishi kutilmoqda: JCh-2018 o‘tadigan 11 shahardagi 15 ta volontyorlik markazi rossiyalik va chet ellik volontyorlar talabnomalarini qabul qiladi. Bu jarayon 2016-yil oxiriga qadar davom etadi.
Ma’lumot uchun, Rossiyadagi futbol bo‘yicha jahon chempionati 2018-yilning 14-iyunidan 15-iyuligacha o‘tkaziladi.
Izoh (0)