YeI Suriyadagi tomonlarga ta’siri bo‘lgan kuchlarni tinchlik o‘rnatilishida yordam berishga chaqirdi

Yevroittifoq Suriyani qo‘llab-quvvatlash xalqaro guruhi qatnashchilarini mamlakatda o‘t ochishni to‘xtatish tartibiga amal qilish va mamlakatning barcha hududlariga gumanitar yordam yetkazib berilishini ta’minlashga chaqirdi. Bu haqda “Kommersant” xabar bermoqda.

“O‘t ochishni to‘xtatish tartibi nafaqat Suriya xalqi chekayotgan azob-uqubatlarni yengillashtirish, balki turli siyosiy partiyalar tomonidan siyosiy jarayonga ishonchni tiklanishi nuqtai nazaridan ham muhim”, — deya ta’kidlangan YeI xalqaro ishlar kengashi qarorida.

Yevropa Ittifoqi mintaqada nufuzli davlatlar bilan BMT rejasini to‘la-to‘kis bajarish masalasida ishlarni jadallashtirishni rejalashtirgan, mojaro tomonlariga ta’siri bo‘lgan kuchlarni mamlakatda tinchlik o‘rnatilishida yordam berishga chaqirdi. Shuningdek, Suriya rasmiylari tomonidan o‘z xalqiga nisbatan haddan ziyod kuch ishlatilishi qoralandi.