Rossiyaliklarning AQSh dollaridagi o‘rtacha ish haqi 2015-yilda Belarus va Qozog‘iston darajasigacha tushib ketdi, deb yozadi “Gazeta.ru” Oliy iqtisodiyot maktabi (OIM) ma’lumotlariga tayanib.
OIM tahlilchilari o‘rtacha ish haqini valyutalarni ayirboshlash kurslariga asoslangan holda hisoblab chiqaradi. 2015-yilda Rossiyadagi o‘rtacha oylik maosh Amerika valyutasida 558 dollarni tashkil etdi, bu o‘tgan yilgi ko‘rsatkichdan 34 foizga kam demakdir. Shu tariqa, Rossiyadagi o‘rtacha ish haqi Qozog‘iston (549 dollar), Ozarbayjon (431 dollar) va Belarus (415 dollar)dagi bunday ko‘rsatkichlar bilan taqqoslab bo‘ladigan darajaga kelgan. Ukrainadagi o‘rtacha maosh, OIM hisob-kitoblariga ko‘ra, 190 dollarga teng.
Valyutalarni ayirboshlash kursiga tayanib hisoblaganda, MDH mamlakatlaridagi o‘rtacha ish haqi darajasi 2015-yilda Rossiyada qayd etilgan ish haqi darajasining 56 foizini tashkil etdi.
Izoh (0)