Россияликларнинг АҚШ долларидаги ўртача иш ҳақи 2015 йилда Беларусь ва Қозоғистон даражасигача тушиб кетди, деб ёзади «Газета.ru» Олий иқтисодиёт мактаби (ОИМ) маълумотларига таяниб.
ОИМ таҳлилчилари ўртача иш ҳақини валюталарни айирбошлаш курсларига асосланган ҳолда ҳисоблаб чиқаради. 2015 йилда Россиядаги ўртача ойлик маош Америка валютасида 558 долларни ташкил этди, бу ўтган йилги кўрсаткичдан 34 фоизга кам демакдир. Шу тариқа, Россиядаги ўртача иш ҳақи Қозоғистон (549 доллар), Озарбайжон (431 доллар) ва Беларусь (415 доллар)даги бундай кўрсаткичлар билан таққослаб бўладиган даражага келган. Украинадаги ўртача маош, ОИМ ҳисоб-китобларига кўра, 190 долларга тенг.
Валюталарни айирбошлаш курсига таяниб ҳисоблаганда, МДҲ мамлакатларидаги ўртача иш ҳақи даражаси 2015 йилда Россияда қайд этилган иш ҳақи даражасининг 56 фоизини ташкил этди.
Изоҳ (0)