Maktab imtihonlari sabab internetsiz qolgan Iroq, Parkent ko‘chasidagi tirbandlik, O‘zbekiston janubidagi +38 darajalik harorat va kunning boshqa muhim xabarlari

18-mayning e’tiborga molik yangiliklari — “Daryo”ning kechki dayjestida.

1. Qashqadaryo va Surxondaryoda 19-may kuni havo harorati +38 darajagacha ko‘tariladi. Yog‘ingarchilik kutiladi — faqat tog‘larda.

2. Iroqda maktab imtihonlari vaqtida ketma-ket ikkinchi marta butun mamlakat bo‘ylab internet o‘chirildi. Bu o‘quvchilar internetdan shpargalka sifatida foydalana olmasligini ko‘zlab qilingan.

3. Foto: Toshkentning Mirzo Ulug‘bek va Parkent ko‘chalari kesishmasida katta tirbandlik yuzaga keldi. Xabarlarga ko‘ra, tirbandlikka yo‘l ta’mirlash ishlari sabab bo‘lgan.

4. Google Keyboard o‘zbek tili uchun ham qo‘l uzmasdan yozish imkoniyatini taqdim etdi. Ba’zan shunday ham bo‘ladiki, nafaqat bir so‘zni, balki butun bir o‘zbekcha gapni ham Google’ning o‘zi “yozib beradi”.

5. “Liverpul” va “Sevilya”: futbol bo‘yicha Yevropa Ligasi finalidan nima kutyapsiz? Bugun futbol bo‘yicha Yevropa Ligasi finali va “Daryo” mazkur uchrashuvdan matnli onlayn uyushtiradi. Aytishlaricha, shu o‘yinda gol bo‘lganini aniqlaydigan tizimdan ilk bor foydalaniladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.