18 майнинг эътиборга молик янгиликлари — «Дарё»нинг кечки дайжестида.
1. Қашқадарё ва Сурхондарёда 19 май куни ҳаво ҳарорати +38 даражагача кўтарилади. Ёғингарчилик кутилади — фақат тоғларда.
2. Ироқда мактаб имтиҳонлари вақтида кетма-кет иккинчи марта бутун мамлакат бўйлаб интернет ўчирилди. Бу ўқувчилар интернетдан шпаргалка сифатида фойдалана олмаслигини кўзлаб қилинган.
3. Фото: Тошкентнинг Мирзо Улуғбек ва Паркент кўчалари кесишмасида катта тирбандлик юзага келди. Хабарларга кўра, тирбандликка йўл таъмирлаш ишлари сабаб бўлган.
4. Google Keyboard ўзбек тили учун ҳам қўл узмасдан ёзиш имкониятини тақдим этди. Баъзан шундай ҳам бўладики, нафақат бир сўзни, балки бутун бир ўзбекча гапни ҳам Google’нинг ўзи «ёзиб беради».
5. «Ливерпуль» ва «Севилья»: футбол бўйича Европа Лигаси финалидан нима кутяпсиз? Бугун футбол бўйича Европа Лигаси финали ва «Дарё» мазкур учрашувдан матнли онлайн уюштиради. Айтишларича, шу ўйинда гол бўлганини аниқлайдиган тизимдан илк бор фойдаланилади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)