19-may, payshanba kuni O‘zbekistonning faqat tog‘li hududlarida yog‘ingarchilik kuzatilishi mumkin. Bu haqda “O‘zgidromet” markazi xabar bermoqda.
Xabar berishlaricha, 19-mayga o‘tar kechasi O‘zbekistonning tog‘li hududlarida havo harorati +7...+12 daraja, Toshkent shahrida +13...+15 daraja, Farg‘ona vodiysi viloyatlarida +13...+18 daraja, qolgan hududlarda esa +18...+22 daraja iliq bo‘ladi.
Payshanba kuni kunduzi mamlakatning tog‘li joylarida havo harorati +17...+22 daraja, Farg‘ona vodiysi viloyatlari va Toshkent shahrida esa +23...+28 daraja iliq bo‘lishi kutilmoqda.
Toshkent, Samarqand, Jizzax, Sirdaryo viloyatlarida 19-may kuni kunduzi havo harorati +30 darajagacha, Qoraqalpog‘iston Respublikasi va Xorazm viloyatida +33 darajagacha, Buxoro va Navoiyda +37 darajagacha, Qashqadaryo va Surxondaryoda esa +38 darajagacha ko‘tariladi.
19-mayga o‘tar kechasi va 19-may kunduzi O‘zbekistonning faqat tog‘li hududlarida qisqa muddatli yomg‘ir yog‘ishi mumkin. Qolgan hududlarda yog‘ingarchilik kutilmaydi.
Izoh (0)